Báyon Naikalamó

(Septimbri 15, 2008)
Pista '98: Bolinao-Sanribo Sin Saytaw...Sawanin

(Septimbri 14, 2008)
Katikismo : Báyon Naikalamó

(Septimbri 2, 2008)
Bibliya-Máran Testiminto : Alimbawaan 1

(Agusto 27, 2008)
Bibliya-Máran Testiminto : Pangrayuwan 1

(Agusto 25, 2008)
Bibliya-Máran Testiminto : Amos 1

(Agusto 7, 2008)
Gawá Nin Literaryo: Kasuratan 5

(Hulyo 27, 2008)
Gawá Nin Literaryo: Kasuratan 6

(Hulyo 19, 2008)
Gawá Nin Literaryo: Kasuratan 1

(Abril 28, 2008)
Gawá Nin Literaryo: Leonido tan Beatris

(Abril 24, 2008)
Patandá: Kakurangan nin byas sa Pilipinas a makapagulo layi kuna ni Arroyo

(Abril 22, 2008)
Gawá Nin Literaryo: Astros

(Abril 21, 2008)
Gawá Nin Literaryo: Babalin Pasubray

(Abril 20, 2008)
Patandá: Man’galaten rayayna saray Pispin sa sayan babali sa Pangasinan

(Abril 19, 2008)
Gawá nin Literaryo sa Saritá nin Binubolinao

(Abril 18, 2008)
Gawá nin Literaryo: Pangungutana

(Abril 17, 2008)
Patandá: Say sayan ibali imarka ran Pista nin Bangus a pagmahon

(Abril 16, 2008)
Patandá: Saray syintipiko main nákit ran matalag
a kayo nin bakauwan

(Abril 15, 2008)
Patandá: Pinatalad saray magpispin nin main anamana a nakapamati nin kuná a mangyadí

(Abril 8, 2008)
Burak A Mariga-Naisurat sa Nuta

(Marso31, 2008)
Mag´irgo Atamo–Báyon Kamínan nin Pag´irguwan

(Marso 28, 2008)
Jose Rizal–Anggawan Patanid

(Marso 27, 2008)
Pista '98–Dasal

(Marso 26, 2008)
Talimbukaya

(Marso 23, 2008)
Si Kristo a Adí–Bolinao Siksyon

• • •

Saritá nin Linggo

sansinakban
(sän·s·'näk·bän)
puon sakeb
ngbwt. Bolinao
sustantibo
1. say ngámin nin katandaan udino saray bubagay tan mangyadí itaw sa lulangit. Sin sa núna-núnan kataranaan, si Dyos pinarsa na ngámin sa sansinakban.
2. say babon lutá, laluyna kunan saray tutawo. say katutuan a tandá ra sa sansinakban.
[Inglis: universe, whole world]

Ikalamó muyoy kuminto kunan sitin saritá sa Mag´irgo.

• • •

Ortugrapiya

Say Binubolinao a saya ya nin walo a saritá nin Sambali. Saray tutawo mag´irgo nin Binubolinao ket sara sa babali nin Bolinao, itaw et sa puro in Kabaruyan tan puro nin Santiago. Saray raruma et sa rubarí taaw tan sa babon lutá, mampag´irgo saraet nin Binubolinao.

Abakada
Rwuam-puló a saray lulitra nin abakada sa Binubolnao:
a (ä) · b (bä) · k (kä) · d (dä)
e () · g (gä) · h(hä) · i () · l (lä) · m (mä) · ng (ngä) · n(nä) · o (ô) · p (pä) · r (rä) · s (sä) · t (tä) · u () · w (wä) · y (yä)

Tumgen Nin Glutiko
Saray lulitran bukalis a main marka nin aksinto (á·é·í·ó·ú), ibalikas sarayti a bigrá nin tumgem. (Kikiten yay Diksyunaryo.)

Say marka nin aksinto naiyusar ya namaet sa sumunor nin kunsunanti pigaw maikalamó yay kunsunanti sa silaba. Main anamaet a bugá nin tumgen sa balikas balé ambó pariho nin tumgen nin glutiko. (Kikiten yay Diksyunaryo.)

Main et ramuman gawánan nin Binubolinao sa lugar nin Diksyunaryo.

"Andí tamo ya lingwanan a irgo tamo nin Binubolinao ta pigaw kai ya mámet."

• • • • • •

Gawa a Literaryo nin Binubolinao

Saray iti a gawá nin literaryo ket naisurat sara anamana sa pakasuratan nin Binubolinao, say máran nin naisurat ra intaw ket pakasuratan nin Kastilá. Main et gaw´en kunran saray iti nin gawá. Matkap et nin ipaliwanag saray ararem nin Binubolinao tan main et nin gawá nin kai tandá no síno a nanurba udino síno a nanurat. No main malilbian muyo iti nin gawá, manurat kamo pa iti sa Binubolinao.net. Ikalamó et lí saray raruma tan báyo nin gawá. Pinditen muyo iti nin mako sa Gawa nin Literaryo.

• • • • • •

BOLINAO
Sanribo a Taon Sinsaytaw... Sawanin

PISTA'98 BABALIN BOLINAO
(Silibrasyon nin Sintinaryo)
Abril 20-26, 1998

Say tima udino say rabay nay wanan ibaritá kunan sitin kasuratan ket "Pammanemtem sa Limmabas sa Iyaaligwas nan Bolinao." Nasurat ngámin sa Inglis balé ipataros lí sa Binubolinao. Naikalamó saray artikulo bilang sarayti: Bolinao Sanribo a Taon Sinsaytaw, Ibinto nin Nanyadí tan Impurtanti nin pitsa, Bolinao: Tutaon nin 1400-1500 a Pamanabunan, Sin si Bolinao nikunikta nayay Pilipinas sa babon lutá, tan saray raruma et. Ipataros saray iti lí sa Binubolinao. Pinditen muyo iti nin mako sa Pista '98 Babalin Bolinao.

• • • • • •

Si Kristo a Adí
SILIBRASYON
Arkidyusisis nin Lingayen-Dagupan

Nubyimbri 24, 1974
Parukyal nin Santiago–Bolinao, Pangasinan
Prugrama nin Panemteman

Nakit kuyayti nin kasuratan sa Bolinao Musyo sin itaw ako sa Bolinao sa bulan nan Pibraro 2008. Wanan sitin prugrama, main kano a Pista nin Si Kristo a Adí nin tinaun-taon a mangyadí. Saray mumunisipyo magrisibiran sara kunan sitin ibinto ket sa taon nan 1974, si munisipyo nin Bolinao a nakarisibiran.

Main sikyon nan prugrama a Bolinao Siksyon. Naikalamó saray kurido, berso, manurba nin kansyon, balitok a saritá tan talimbukaya. Mákit iti saray umnu-umnoy máran gawá nin literaryo a nangibwat sa Bolinao. Naikalamó saray literaryo bilang sara si Tomas Calado, si Simon del Fierro, si Pelagio De Perio, tan saray raruma et.

Siti e a núnan saritá:

Bolinao Siksyon

Paúnan Saritá

Si Bolinao, bagyá man wadí ta makabos yan babali tan adayó ya sa butlay paningkapan kadunungan ta iti yayna sa sudot nan prubinsyan Pangasinan, main yan dirin saritá a irangas nin magawá kiuribay sa animan a saritá sa sansinakban. Saray gindat a tutawudti kunan sitin babali, baná sa pangangawánan ra kunan sitin babali tan lalun-laluyna kunan diri ran saritá a Binubolinao, kanyá sinulitan ran makabatí nin peteg a saritá nin Binubolinao pigaw main tawiren ran mantubo a kababalian ra. Udet, sinulitas ran manurat kurido, berso, tan manurba nin kansyon. Saraytin peteg a tawir nin kasan kapada tan nepeg kawánanen nin barang sinusása nin taga Bolinao.

Natuloy sa Bolinao Siksyon.

Saray raruman siksyon ket naisurat sa Inglis. Mampaipataros et sa Binubolinao.