Saritá Nin Linggo
sansinakban
(sän·s·'näk·bän)
puon sakeb
ngbwt. Bolinao
sustantibo
1. say ngámin nin katandaan udino
saray bubagay tan mangyadí itaw sa lulangit. sin
sa núna-núnan kataranaan, si Dyos pinarsa na
ngámin sa sansinakban.
2. say babon lutá, laluyna kunan saray tutawo. say
katutuan a tandá ra sa sansinakban.
[Inglis: universe, whole world]
nisadyá
(n
·säd·'yä´)
puon sadyá
ngbwt. Bolinao
berbo
1. nakigaw´en (bubagay) para sa iyusar udino
konsiderasyon: nisadyá nayay anted a surat para sa
irgo na.
2. nakipangwá (kanen udino pákan) para
sa panglutó udino mangan: abaw nakagawá nan
nisadyá a kanen na.
[Inglis: prepared]
alsawen (äl·sä·'w
n)
puon alsa
ngbwt. Kastilá [alzar]
berbo
1. ipababó sa atágay nin lugar: alsawen
mayin pa sa babó nan aydan?
2. mangalap tan iyalis sa raruman lugar: no rabay
mon iyalis in, alsawen mayna.
[Inglis: to lift]
mamasyar (mä·mäs·'yär)
puon pasyar
ngbwt. Bolinao
berbo
1. mako sa lugar nin kai et nakapamako tan nakipagadal
undino nakipitandá: mako ko lí mamasyar itaw
sa Amerika.
[Inglis: travel, explore]
Sitin siksyon ipákit a
sayay saritá sa lininggo-linggo. Kalapen yay puon nin
saritá báyo ikalamó saray prepiho, supiho,
inpigiri tan enklitiko ta maipikákit ya lí a estrukturan
saritá nin Binubolinao.
Prepiho
Say litra udino parti nin saritá
a ikalamó sa adapan nin saritá udino puon nin
saritá. Sitin naikalamó (ampa-, ma-, na-) ket
masilyan yay wanan saritá. Makit yay lista nin prepiho
sa wiri nan sitin pahi.
Supiho
Say litra udino parti nin saritá
a ikalamó sa duyo nin saritá udino puon nin saritá.
Sitin naikalamó (-an, -en, -wen) ket masilyan yay wanan
saritá. Makit yay lista nin prepiho sa wiri nan sitin
pahi.
Inpigiri
Say litra udino parti nin saritá
a ikalamó sa rarem nin saritá udino puon nin saritá.
Sitin naikalamó (-am-, -in, -um) ket masilyan yay wanan
saritá. Makit yay lista nin prepiho sa wiri nan sitin
pahi.
Enklitiko
Say part nin saritá a ikalamó
sa duyo (-taw, -nay, -dti) nin sayay saritá ta inpakianted
yay balikas na. Barámo nin rwaray saritá nin ikalamó
báyo sara nin mangwá nin sayan saritá.
Makit yay lista nin prepiho sa wiri nan sitin pahi.
